Liveło de scała de grixi Ła scała de grixi, conosùa anca come liveło de cołor o scała de grixi, ła se riferise a ła łuminosità de un cołor. Pa ła tecnołogia del schermo digitałe, ła scała de grixi ła xe el fator determinante pa el numero de cołori mostrài. In generałe, pì alta ła xe ła scała de grixi, pì richi i cołori mostrài, pì xe dełicà l’imagine, e pì xe façiłe esprimare detagli richi. El liveło de scała de grixi el dipende soratuto dal numero de bit deła conversion A/D del sistema. Ovviamente, el chip de elaborasion video del sistema, ła memoria e el sistema de trasmision i ga da fornìr el corispondente nùmaro de bit pa sostegnarlo. I schermi LED domestici i dopara soratuto un sistema de elaborasion a 8 bit, cioè 256 (28) livełi de scała de grixi. In poche parołe, ghe xe 256 variasion de łuminosità dal nero al bianco. Doparando i tre cołori primari de RVB, se pol formar 256×256×256=16,777.216 cołori. Cioè i comunemente indicati 16 megacolori. I display de marche internasionałi i dopara soratuto sistemi de elaborasion a 10 bit, o sia 1024 livełi de scała de grixi, permetendo ai cołori primari RGB de crear 1,07 miliardi de cołori.
Anca se ła scała de grixi ła xe un fator decisivo pa determinar el numero de cołori, no xe un caxo de pì alto mejo. Prima de tuto, ła risołusion de l’ocio umàn ła xe limitada. In secondo liogo, aumentar el numero de bit neła profondità de elaborasion del sistema vol dir canbiamenti in vari aspeti de l’ełaborasion del video, de l’archiviasion, deła trasmision e deła scansion, aumentando drasticamente i costi e sbasando l’eficacia dei costi. In generałe, i prodoti de consumo o comerciałi i pol doparar sistemi a 8-bit, mentre i prodoti de liveło de trasmision i pol doparar sistemi a 10 bit.
Livełi de discriminasion deła łuminosità: i livełi de discriminasion deła łuminosità i se riferise al intervało de livełi de łuminosità in te n’imagine che l’ocio umàn el pol distinguar, dal pì scuro al pì ciaro. Come dito prima, serti schermi i ga livełi de grixi alti, che i riva a 256 o anca 1024 livełi. Tutavia, par via deła limitada sensibiłità de l’ocio umàn ała łuminosità, sti livełi de scała de grixi no i pol esar conpletamente distinti. In altre parołe, tanti livełi de scała de grixi visini i pol parer i stesi a l’ocio umàn. In pì, l’acuità vixuałe individuałe ła canbia. Pa i schermi, pì livełi de scała de grixi che l’ocio umàn el pol distinguar, mejo, parché l’imagine mostrà ła xe in definitiva pa ła vixion umana. Pì livełi de łuminosità l’ocio umàn el pol distinguar, pì grando el spasio de cołori del schermo, e pì grando el xe el so potensiałe de mostrar cołori richi. I livełi de discriminasion deła łuminosità i pol esar testài co un software speçiałixà; in generałe, un schermo che el riva a 20 o pì livełi el xe considerà un bon liveło.
Trasformasion non-lineare in scała de grixi: ła trasformasion non-lineare in scała de grixi ła se riferise a ła trasformasion de dati in scała de grixi secondo dati enpireghi o qualche rełasion aritmetica non-lineare prima de fornirli al schermo. Sicome i LED i xe dispoxitivi lineari, łe so carateristiche de display łe xe difarenti dałe carateristiche de display non-lineari dei monitor tradisionałi. Pa esar sicuri che l’efèto del schermo LED el corisponda a ła fonte de dati tradisionałe sensa perdare livełi de scała de grixi, de sołito vien fata na trasformasion non-lineare dei dati in scała de grixi nełe faxi sucesive del sistema de schermo LED. El nùmaro de bit nei dati trasformài el crése (pa èsar sicuri che no se perda dati in scała de grixi). El liveło 4096- o 16384- o pì alto rivendicà da serti fornidori de sistemi de controło interno el se riferise a ła dimension del spasio in scała de grixi dopo i livełi de trasformasion non-lineare. 4096 dopara na fonte de 8-bit pa ła tecnołogia de trasformasion non lineare de 12 bit, mentre ła trasformasion non lineare 12 bit livełi el dopara na tecnołogia de trasformasion non lineare da 8 bit a 16 bit. Na trasformasion non lineare co na fonte a 8 bit ła gavarà un spasio in scała de grixi pi grando de na fonte a 8 bit. De sołito, el ga da esar almanco 10 bit. Come a ła scała de grixi, sto parametro no l’è par forsa mèjo pì el xe grando; 12 bit xe de sołito bastansa pa ła major parte dełe trasformasión.
