Ła prima fonte de łuxe LED, che ła doparava el prinsipio de ła luce-emetente de na giunsion P-N, ła xe stà inventà nei primi ani 60. El materiałe doparà a chel tenpo el jera GaAsP, che el emeteva łuxe rossa (λp=650nm). Co na corente de 20 mA, el fluso łuminoso el jera soło che pochi miłesimi de un lumen, el risultato de na eficacia łuminosa de 0,1 lumen/watt.
A metà dei ani 70, l’introdusion de ełementi In e N ła ga permeso ai LED de far łuxe verde (λp=555nm), zała (λp=590nm) e naransa (λp=610nm), e l’eficacia łuminosa ła xe stà aumentà a 1 lumen/watt.
Nei primi ani 80, łe fonti de łuxe LED GaAlAs łe xe vegnùe fora, che łe ga permeso ai LED rosi de vér na eficacia łuminosa de 10 lumeni/watt.
Nei primi ani 1990, el sviłupo de suceso de do novi materiałi-GaAlInP (che fa łuxe rossa e zała) e GaInN (che fa łuxe verde e blu)-el ga migliorà in modo significativo l’eficacia łuminosa dei LED. Nel 2000, i primi i ga prodoto LED co na eficacia luminosa de 100 lumeni par watt nełe rejón rossa e arancione (λp=615nm), mentre i secondi i ga prodoto LED co na eficacia luminosa de 50 lumeni par watt neła rejón verde (λp=530nm).
